14 сентябрьдә Татарстанда республика башлыгын сайлаулар узачак-кандидатлар турында сөйлибез

14 сентябрьдә Татарстанда республика башлыгын сайлаулар узачак-кандидатлар турында сөйлибез

Бүген ТР Үзәк сайлау комиссиясе Рөстәм Миңнехановны Татарстан Республикасы Рәисе вазифасына кандидат буларак теркәде. Ул теркәлү өчен документларны 24 июльдә тапшырган. Аны «Бердәм Россия» сәяси партиясе тәкъдим итте.

Бүген Татарстан Республикасы Рәисе вазыйфасына тагын бер кандидат булып Виталий Смирнов теркәлгән ("Социаль гаделлек өчен Россия Пенсионерлар Партиясе").

Шулай ук теркәлү өчен документларны тагын ике кандидат тапшырган – Хафиз Миргалимов (КПРФ), Руслан Йосыпов (ЛДПР). Тапшырылган белешмәләрнең дөреслеген һәм аларның закон таләпләренә туры килүен ТР Үзәк сайлау комиссиясенең эш төркеме тикшерә, шуннан соң тиешле карар кабул ителә.

Тагын бер тапкыр исегезгә төшерәбез, сайлаулар 14 сентябрьдә узачак. Республика территориясендә бу көнне 2752 сайлау участогы ачылачак.