Әлки районы башлыгы Александр Никошин физкультурачылар көне белән котлады
Хөрмәтле српортсменнар, физик культура укытучылары, спорт ветераннары! Сезне физкультурачылар көне белән котлыйм! Районыбыз спортчыларының төрле беренчелекләрдә җиңүләре район өчен горурлык уята һәм яшьләрне патриотик тәрбияләүнең нигезе булып тора. Ышанам ки, Әлки районы киләчәктә дә якты җиңүләре белән сөендерер, спорттагы казанышларын ныгытыр. Сәламәт яшәү рәвеше татарстанлылар өчен норма: даими рәвештә спорт белән республика халкының 65,8% ы шөгыльләнә – бу 2,6 миллионга якын кеше. Татарстан Республикасы Рәисе Рөстәм Миңнеханов билгеләп үткәнчә, республикада спортны үстерүгә гадәттәгечә өстенлекле игътибар бирелә. Татарстан лаеклы рәвештә Россиянең иң спорт төбәге дип танылды. Сезгә нык сәламәтлек, энергия, спорт дәрте һәм яңа җиңүләр телим!