Базарлы Матак авылында «Спортивный» скверында Физкультурачылар көнен билгеләп үттеләр
Бүген Базарлы Матак авылында «Спортивный» скверында Физкультурачылар көнен билгеләп үттеләр.
Бәйрәм кысаларында "Хезмәткә һәм оборонага әзер" комплексы нормативларын тапшыру буенча чара узды. Катнашучылар үзләренең физик әзерлекләрен тикшерә һәм төрле дисциплиналарда үз көчләрен сынап карый алдылар.
Бәйрәмне район башлыгы Александр Никошин ачып җибәрде. Александр Федорович район спортчыларын бәйрәм белән котлады һәм физик культура һәм спорт өлкәсендә иң яхшыларны бүләкләде. Физкультура укытучыларына, тренерларга Әлки районы башлыгы һәм Татарстан спорт министрының Рәхмәт хатларын тапшырды.
Әлки районы һәрвакыт үзенең спорттагы казанышлары, спортчылары белән дан тотты. Безнең район спорт объектлары белән яхшы тәэмин ителгән. Районда яшәүчеләрнең барысы да физик культура һәм спорт белән шөгыльләнсен өчен барлык шартлар да тудырылган.
Рөстәм Миңнеханов билгеләп үткәнчә, республикада физик культура һәм спорт белән шөгыльләнү өчен мөмкин кадәр уңайлы шартлар тудыру буенча зур эш алып барыла.