Әлки районының авыл җирлекләрендә халык белән очрашулар дәвам итә

Әлки районының авыл җирлекләрендә халык белән очрашулар дәвам итә. Район башлыгы Александр Никошин Борискино, Иске Әнҗерә, Югары Матак, Иске Матак һәм Ташбилге авылларында халык җыеннарында катнашты. Очрашуларда авыл җирлекләре башлыклары агымдагы елның беренче алты аенда башкарган эшләре турында хисап тоталар. Алар үзара салым программасын гамәлгә ашыру, иҗтимагый эшчәнлек һәм республика программаларында катнашу турында сөйлиләр. Шулай ук алар киләчәккә планнары белән уртаклашалар. Махсус хәрби операция темасына аерым игътибар бирелә. Сугышчыларга һәм аларның гаиләләренә ярдәм итү, шулай ук волонтерлык эшчәнлеге мәсьәләләре карала.