Әлки муниципаль районы территориясендә стихия булды
2025 елның 18 августында Әлки муниципаль районы территориясендә стихия булды. Көчле яңгыр, яңгыр һәм тизлеге 20 м/с кадәр җиткән җил үзеннән соң җимерелү калдырды: торак йортларга һәм электр линияләренә зыян килде. Шул уңайдан гадәттән тыш хәлләр комиссиясе утырышы узды.
Хөрмәтле райондашлар, сездән уяу булуыгызны һәм саклык чараларын үтәвегезне сорыйбыз:
- Мөмкин булган куркынычлардан хәбәрдар булу өчен һава торышының үзгәрүен һәм фаразларны күзәтегез.
- Баганалардан, юл билгеләреннән һәм электр линияләреннән ераграк торыгыз. Автомобильләрне бу объектлар янында калдырмагыз, чөнки алар начар һава торышы вакытында зыян күрергә мөмкин.
- Көчле җил вакытында йорт стеналары янында ышыкланмагыз, чөнки түбәләрдән материаллар төшүе ихтимал.
- Ишегалларыгыздагы корылмаларның ышанычлылыгын тикшерегез.
- Куркыныч янаганда өйдә калыгыз, тәрәзәләрне ябыгыз.
- Балаларны караучысыз калдырмагыз.
Сезнең иминлегегез -ул сезнең җаваплылыгыгыз. Үзегезне саклагыз!