Әлки районы делегациясе республика август киңәшмәсе утырышында катнаша

2025 елның 22 августы, җомга

Әлки районы делегациясе республика август киңәшмәсе утырышында катнаша

Бүген Иннополиста мәгариф һәм фән хезмәткәрләренең республика август киңәшмәсе утырышы узды, аның барышында педагогик коллективларның узган уку елындагы эшенә йомгаклар ясалды һәм киләчәк чорга бурычлар билгеләнде. Чарада район башлыгы Александр Никошин да катнашты.

Базарлы Матак мәктәбенең башлангыч сыйныфлар укытучысы Красильникова Вера Васильевна Дәүләт бүләге белән бүләкләнде – аңа «Татарстан Республикасының атказанган укытучысы»дигән мактаулы исем бирелде. 

Шулай ук бүген яңа мәктәп автобусларыннан ачкычлар тапшырылды. Яңа автобуслар алган мәктәпләр арасында безнең Иске Матак мәктәбе дә бар.