Әлки муниципаль районында мәгариф хезмәткәрләренең август конференциясе узды
Бүген Әлки муниципаль районында мәгариф хезмәткәрләренең август конференциясе узды.
Пленар утырыш башланыр алдыннан район мәдәният йорты фойесында район мәгариф учреждениеләренең казанышлары белән танышу өчен күргәзмә оештырылган иде.
Укытучыларга сәламләү сүзләре белән район башлыгы Александр Никошин һәм Татарстан Республикасы Мәгариф һәм фән министрлыгының югары белем бирү бүлеге начальнигы Линар Яруллин мөрәҗәгать итте.
Докладның төп тезисларын район мәгариф идарәсе җитәкчесе Сурия Вәлиева җиткерде.
Традиция буенча, пленар утырыштан соң, узган уку елында балаларны укытуда һәм тәрбияләүдә югары нәтиҗәләргә ирешкән педагоглар бүләкләнде.
Укуда зур уңышларга ирешкән һәм олимпиадаларда җиңгән иң яхшы укучылар да билгеләп үтелде. Яшь укытучылар аерым сәламләү алды.
Әлки районының барлык педагогик коллективына уңышлы ел телибез!