Балалар куркынычсызлыгы айлыгы кысаларында Базарлы Матакның Нәби Дәүли исемендәге гимназиясендә планлы янгын-тактик күнегүләр үткәрелде
Балалар куркынычсызлыгы айлыгы кысаларында Базарлы Матакның Нәби Дәүли исемендәге гимназиясендә планлы янгын-тактик күнегүләр үткәрелде. Аның максаты персоналның шартлы янгын нәтиҗәләрен бетерүгә әзерлеген бәяләү, кешеләр күпләп җыела торган урыннарда янгын сүндерү һәм һәлакәттән коткару эшләрен башкару ысулларын күрсәтү, шулай ук барлык хезмәтләр һәм бүлекчәләрнең кешеләрне коткаруга һәм янгынны бетерүгә әзерлек дәрәҗәсен арттыру иде.
Өйрәнүләрдә 105 янгын сүндерү-коткару часте хезмәткәрләре, күзәтчелек эшчәнлеге һәм профилактика эше, Әлки районы буенча Эчке эшләр министрлыгы, «Агроколледж» ДПК, Базарлы Матак үзәк район хастаханәсе, Әлки РЭС, газ хезмәте вәкилләре, шулай ук гимназия җитәкчелеге һәм персоналы катнашты.
Сценарий буенча, бинаның беренче катындагы кухня бинасында суыткыч җайланмаларының берсендә кыска ялгану аркасында янгын чыккан. Кухняның мәйданы 15 квадрат метр тәшкил итә.