Бишенче чакырылыш Әлки муниципаль районы Советының беренче утырышы узды
Бүген бишенче чакырылыш Әлки муниципаль районы Советының беренче утырышы узды. Көн тәртибендә төп мәсьәлә район башлыгын сайлау иде. Ачык тавыш бирү барышында депутатлар бертавыштан Александр Федорович Никошинны хупладылар.
Утырышта Россельхознадзорның Татарстан Республикасы буенча идарәсе җитәкчесе Илнур Галиев, җиденче чакырылыш Татарстан Республикасы Дәүләт Советы депутатлары Александр Чубаров һәм Фоат Вәлиев, шулай ук "Татарстан Республикасы Муниципаль берәмлекләре Советы" Ассоциациясе рәисе киңәшчесе Фердинат Дәүләтшин катнашты. Моннан тыш, анда Совет депутатлары, оешма-учреждение җитәкчеләре һәм район җәмәгатьчелеге вәкилләре катнашты.
Александр Федоровичның район белән ун ел дәвамында уңышлы җитәкчелек итүе билгеләп үтелде. Бу вакыт эчендә республика һәм федераль программаларда катнашу нәтиҗәсендә сизелерлек нәтиҗәләргә ирешелде.