Базарлы Матак үзәк район хастаханәсендә гриппны профилактикалау – вакцинация кампаниясе дәвам итә
Базарлы Матак үзәк район хастаханәсендә гриппны профилактикалау – вакцинация кампаниясе дәвам итә.
Үзәк район хастаханәсеннән алынган мәгълүматларга караганда, беренчеләрдән булып өлкәннәр һәм инвалидлар өчен интернат-йортта яшәүчеләр һәм хезмәткәрләр, шулай ук район хастаханәсенең медицина персоналы прививка ясаган. Мәктәпләрдә укытучыларга вакцинацияне шәфкать туташлары башкара. Прививка пунктлары поликлиникада да, участок хастаханәләрендә дә, табиб амбулаторияләрендә һәм фельдшер-акушерлык пунктларында да эшли.
Үзәк район хастаханәсендә гриппка каршы прививка ясатырга теләүчеләр терапевт аша прививка Кабинетына мөрәҗәгать итә алалар, дип билгеләп үттеләр. Вакцинация гриппны профилактикалауның иң нәтиҗәле ысулы булып санала, белгечләр бу чараны санга сукмаска киңәш итә. Прививка ясалган кеше, хәтта авырса да, инфекцияне җиңел формада һәм катлаулануларсыз кичерәчәк.