Халыкара өлкәннәр көне кысаларында укыту семинары
Халыкара өлкәннәр көненә багышланган чаралар кысаларында Татарстан Республикасы Дәүләт алкоголь инспекциясенең Чистай территориаль органы белгече Татарстан Республикасы Әлки районының «Uraim» матурлык салонында эшкуарлык эшчәнлеге алып баручы хуҗалык субъекты өчен уку семинары үткәрде.
Чара барышында чәчтарашханәләр күрсәтә торган хезмәтләрне җайга сала торган норматив-хокукый актлар каралды. Кулланучылар өчен мәҗбүри белешмәләрне урнаштыру тәртибе аңлатылды. Чәчтараш хезмәте күрсәтүче персоналга таләпләр каралды, шулай ук хезмәт күрсәтү барышында кулланыла торган материалларга һәм җиһазларга таләпләр каралды, күрсәтелгән хезмәтнең кимчелекләре ачыкланган яисә аның ризалыгыннан башка өстәмә хезмәт күрсәткән очракта кулланучының хокуклары аңлатылды.
Хуҗалык итүче субъект белән уздырыла торган чаралар кысаларында халыкның социаль яктан якланмаган категориясе өчен акцияләр уздыру мәсьәләсе каралды, шул исәптән пенсионерларга һәм инвалидларга өстенлекле хезмәт күрсәтү.
Татарстан Республикасы Дәүләт алкоголь инспекциясенең Чистай территориаль органы