Әлки районы кышка тулысынча әзер
Әлки районы кышка тулысынча әзер
Муниципалитетта кышкы һава шартларында транспорт һәм җәяүлеләрнең имин хәрәкәтен тәэмин итү өчен барлык кирәкле эшләр башкарылган.
Кар көртләре белән көрәшү өчен махсус техника әзерләнгән, аның әзерлеген Әлки муниципаль районы башлыгы Александр Никошин шәхсән үзе тикшергән.
Урамнарны җыештыру билгеләнгән график буенча башкарылачак. Беренче чиратта төп транспорт магистральләренә игътибар биреләчәк, аннары техника авыл урамнарына күчәчәк. Мәктәп маршрутларына һәм балалар бакчалары, мәктәпләр, хастаханә һәм сырхауханә кебек социаль әһәмияткә ия объектларга керү юлларына аерым игътибар бирелә.
Коммуналь хезмәтләр авыл халкына автомобильләрен машина юлында һәм ишегалларында кар җыю техникасы эшләгәндә калдырмауларын сорап мөрәҗәгать итә.
Әгәр дә сез проблемалы юл яки тротуар участокларын тапсагыз, бердәм дежур-диспетчерлык телефоны буенча мөрәҗәгать итегез.