Районда билбау көрәше буенча республика турниры узды
Бүген "Алинә" спорт комплексында Россия Федерациясе Дәүләт Думасы депутаты Айрат Нәҗип улы Хәйруллин истәлегенә оештырылган билбау көрәше буенча республика турниры узды.
Чараны ачу тантанасы Әлки муниципаль районы башлыгы Александр Никошин, "Красный Восток "ДК" ҖЧҖ генераль директоры Гадел Хәйруллин һәм башка кунаклар катнашында узды.
Район башлыгы Александр Никошин катнашучыларга һәм оештыручыларга сәламләү сүзе белән мөрәҗәгать итте, ярышларны уздырганнары өчен рәхмәт белдерде. Үзенең мөрәҗәгатендә ул шулай ук яшь спортчыларга уңышлы чыгышлар һәм югары спорт казанышлары теләде.
Ел саен үткәрелә торган турнирда республиканың 13 муниципаль районыннан 180 яшь көрәшче катнашты, алар төрле авырлык категорияләре буенча призлы урыннар өчен көч сынаштылар.