Әлки районы укучылары Республика чыршысында катнаштылар
Әлки районы укучылары Республика чыршысында катнаштылар
Бүген Казанның "Татнефть Арена" боз спорт сараенда Татарстан Рәисе Рөстәм Миңнеханов ярдәме белән оештырылган республика Яңа ел чыршысы узды.
Бәйрәмгә укуда, иҗатта, спортта һәм иҗтимагый тормышта аерылып торган укучылар чакырылган иде. Моннан тыш, чыршыга махсус хәрби операциядә катнашучыларның балалары, шулай ук авыр тормыш хәленә эләккән гаиләләрдән балалар килде.
Чараның төп темасы «Күрше» фестивале булды, ул быел кыш республика башлыгы инициативасы белән үткәрелә. Кунакларны Арена эчендә дә, урам мәйданчыгында да якты тамаша һәм тематик фотозоналар көтә иде. Барлык балаларга да татлы бүләкләр тапшырылды.
Чыршыга чакырылганнар арасында Әлки муниципаль районыннан талантлы балалар да бар иде, алар олимпиадаларда, конкурсларда һәм спорт ярышларында призлы урыннар яулаучылар.