Салымыңны түлә дә тынычлап йокла

Милек, җир, транспорт салымнарын (2013 ел өчен) 1 ноябрьгә кадәр түләмәгәннәрнең салым бурычына һәр көн  өчен (просрочка көне) пеня өстәлә бара.
Ел төгәлләнеп килә. Гадәттә халык яңа елга бурычсыз керергә тырыша. Җир, милек, транспорт салымнары бурычлары булганнарга әлеге әҗәттән тизрәк котылу бигрәк тә мөһим. Соңгы ике айда районда әлеге төр салымнарны түләү буенча хәл күпкә яхшырган. Әмма бөтен җирдә алай түгел. Әйтик, Базарлы Матак авыл җирлегендә яшәүче халыкның 1 миллион 600 мең сум транспорт салымы һаман түләмән әле. Шулкадәр суммага һәр көн саен пеня үсә бара дигән сүз. Ә инде киләсе елдан әлеге бурычлар суд аша түләтеләчәк. Ул очракта салым һәм пеня бурычларына суд чыгымнары да өстәләчәк.