Капчыгыңда ниләр бар, Кыш бабай?

Ә сез Яңа елга нинди бүләк алырга теләр идегез?
Алмаз Гыйләҗев, 4 яшь, Әхмәт:
–Кыш бабай миңа пультлы машина алып килсен.
Алинә Гәрәева, 6 яшь, Түбән Әлки:
–Миңа сөйләшә торган зур курчак кирәк.
Ләйлә Вәгыйзова, 8 яшь, Базарлы Матак:
–Фотоаппараты да булган кәрәзле телефон бүләк итсеннәр иде.
Оля Колоколова, 10 яшь, Юхмачы:
–Мин сенсорлы телефон турында хыялланам.
Альберт Локманов, 14 яшь, Ташбилге:
–Яңа елга ноутбук бүләк итсеннәр иде.
Марина Гнеденкова, район үзәк китапханәсе әйдәүче методисты,
–Яңа елда минем өчен иң зур бүләк - үземнең һәм балаларымның сәламәтлеге. Ә болай мин тере чәчәкләр бүләк иткәнне яратам. Әниемә әйбәт косметика, балаларыма тәм-том һәм җиләк-җимеш бүләк итәрмен, мөгаен.
Илфат Вафин, Карамалы:
–Мин беләсезме нинди бүләк турында хыялланам? Яңа елда тракторлы булсам иде.
Нурания Гыйляҗева, пенсионер-укытучы, Әхмәт:
–Балаларым исән-сау булып, яхшы хәбәрләре генә килеп торса, шуннан да кыйммәтлерәк бүләк юк минем өчен. Яңа елда дөньялар тыныч булсын, көтелмәгән авырлыклар, кайгы-хәсрәт беркемгә дә килмәсен иде.