Алпарда “Карга боткасы” бәйрәме үткәрделәр

Хәзер бу йола инде онытылып бара диярлек. Ә Алпарда менә шуны яңартырга уйлаганнар. Авыл халкын Кече Чирмешән елгасы буена бәйрәмгә җыеп, җырлап-биеп күңел ачканнар. Учак ягып пылау пешереп, “карга боткасы” белән сыйланганнар. Әлеге боткадан авыз иткән кеше һәрвакыт сау-сәламәт булыр, дигән ышанулар яшәгән элек. Бу ышану чынга ашсын, тормышлар мул, еллар имин булсын иде, дип тели авыл халкы. Бәйрәмне авыл клубы мөдире Сәвия Галиуллина оештырган.