Үзешчәннәрнең көздән башланган “Мәдәният – яктылык чыганагы” дигән смотрлары гала-концерт белән тәмамланды

Ә икенче кичтә авыл җирлекләре үзешчәннәре иҗади отчет тотты. Беренче урынны алпарлылар яулады. Биредә “Кызган таба” театр коллективы эшләп килә, тамашачылар аның чыгышларын һәрчак җылы кабул итәләр. Икенче урында Иске Матак үзешчәннәре, өченче урынны жюри Салман һәм Түбән Кәчи үзешчәннәренә бирде. Бу коллективлар сәхнә киемнәренең дә зәвыклы булуы белән аерылып торалар.