Салман балалар приютында уен мәйданчыгы пәйда булды.

Мәйданчыкны приютка Казанда яшәүче дуслары –Елена Павлова җитәкчелегендәге шәхси предприятие бүләк итте. Сабыйлар хәзер рәхәтләнеп комлыкта уйныйлар, таучыкта шуалар, таганда атыналар. Казан кунаклары балаларны төрледән-төрле тәм-томнар белән дә сыйладылар, йомшак уенчыклар, спорт инвентаре, кием-салым бүләк иттеләр. Әле тагын «Әминәнең туган көне» дигән  бәйрәм дә оештырдылар. Балалар приют тормышы турындагы кечкенә фильмны төшерүдә дә катнаштылар.