“Парклар маршы”нда Әлки районының 19 мәктәбе укучылары катнашты

Алар табигать күренешләрен тасвирлаган рәсемнәрен, инша, әкият, шигырьләрен, фоторәсемнәрен күрше райондагы “Спас” тыюлыгына җибәрделәр. Укучылар шул ук акция кысаларында сыерчык оялары ясап куйдылар, елга-күл буйларын чистарттылар, агачлар утырттылар – табигатьне саклауга үз өлешләрен керттеләр.

Инде “Парклар маршы-2014” нең нәтиҗәләре дә билгеле. Бу акциядә үз эшләре белән катнашкан бер төркем укучыларыбыз диплом һәм төрле бүләкләргә лаек булдылар.