Әлки муниципаль районы

Республика көне белән әлкилеләрне район башлыгы Фердинат Дәүләтшин тәбрикләде

2014 елның 29 августы, җомга

"Республика көне дәүләтчелегебезне торгызуның хәзерге этабын ачык чагылдыра, Татарстанның икътисадта һәм социаль өлкәдә ирешкән зур казанышларын, халкыбыз тормышының яңа дәрәҗәсен һәм яшәү рәвешен күрсәтә. Республикабызда масштаблы зур проектлар, социаль программалар тормышка ашырыла, авыл хуҗалыгын үстерүгә зур игътибар бирелә. Татарстан бүген Россиянең иң уңышлы төбәкләреннән санала. Республикабызның казанышлары өчен чын күңелдән сөенеп, монда безнең районыбызның да өлеше булуы белән горурлана алабыз. Әлки игенчелектә һәм терлекчелектә республиканың алдынгы районнары рәтендә. Быел да басулардан елына күрә әйбәт уңыш җыеп алынды, терлекләр өчен мул азык запасы булдырылды. Татарстанның дәүләт бәйрәме – Республика көне белән кайнар котлап, хөрмәтле райондашлар, һәркайсыгызга нык сәламәтлек, гаилә иминлеге, яңа уңышлар телим. Алга ышаныч белән карап, Ватаныбыз иминлеге һәм чәчәк атуы өчен тырышып хезмәт итик", диелә котлауда.

БАРЛЫК ЯҢАЛЫКЛАРНЫ УКУ