Әлки муниципаль районы

Авылныкын бик теләп алалар

2014 елның 3 сентябре, чәршәмбе

Авыл хуҗалыгы товарлары белән беренче төркем иртәгә, 6 сентябрьдә Татарстан башкаласына юл тота. Авыл халкына үзеннән арткан продукцияне урнаштыруның менә дигән мөмкинлеге бу. Казанлылар да авылдан китерелгән яшелчәләрне, ит һәм сөт ризыкларын бик теләп ала. Каз, үрдәк, тавык түшкәләре, сөт, катык, каймак, эремчек, мөгезле эре терлек я сарык ите һәм башка ризыклар сатарга телисез икән, аларны безнең район сәүдә иткән шимбәдә (аена ике тапкыр – атна аралаш) авыл җирлеге советы хезмәткәрләре аша Казанга җибәреп саттыра аласыз. Үзегез шәхси транспортыгызда барып та ярминкәдә катнашырга мөмкин. Узган ел тәҗрибәсе күрсәткәнчә, шул рәвешле үз продукцияләрен сатып файда күрүче райондашларыбыз байтак.

БАРЛЫК ЯҢАЛЫКЛАРНЫ УКУ