Базарлы Матакның кайбер учреждение-предприятиеләр чыршы бизәп куярга ашыкмыйлар

22 гыйнварда узган «эшлекле дүшәмбе» киңәшмәсендә хезмәт коллективларының  Яңа ел чыршылары бәйгесенә беренче нәтиҗә ясалды. Муниципаль район башкарма комитеты җитәкчесе урынбасары Мария Платонова иң матур чыршылар үзәк хастаханә, «Строитель и К», Пенсия фонды идарәсе каршында бизәлгән, диде. Ә газ эксплуатацияләү службасы, «ПМК-Мелиорация», ЮХИДИ, җәмәгать судьясы, Роспотребнадзор биналары янында чыршылар куелмаган әле. Шулай ук «Пятерочка», «Алып Хан», «Кояш», «Чулпан» кибетләре тирәсе дә яңа ел чыршыларыннын мәхрүм.