Әлки муниципаль районы

Әлки район судында Түбән Биктимер авылында яшәүче Дилүс Зәйнуллин белән Әмир Галимовның җинаять эше каралды

2014 елның 25 декабре, пәнҗешәмбе

Быелның май аенда Дилүс белән Әмир, үзара алдан сөйләшеп куеп, авылдашларының милкенә кул сузалар. Төнге сәгать 11 дән соң Дилүс Түбән Биктимердәге Күл урамында урнашкан йортның ишегалдына үтеп керә һәм хуҗаның автомашинасыннан аккумуляторын урлап чыга. Ә Әмир капка төбендә тирә-юньне күзәтеп тора. Егетләр машина хуҗасына 2300 сумлык зыян китерәләр.

Дөрес, аларның бу кырын эше бик тиз фаш ителде. Дилүс Зәйнуллин белән Әмир Галимов суд каршына бастылар. Район суды аларны РФ Җинаятьләр кодексының 158 маддәсе 2 бүлеге "а" пункты буенча – чит милекне урлауда гаепле дип тапты һәм икесен дә өч ел сынау срогы белән шартлы рәвештә ике елга ирекләреннән мәхрүм итте.

БАРЛЫК ЯҢАЛЫКЛАРНЫ УКУ