Әлки муниципаль районы

Әлки районы Базарлы Матак кибетләрендә дә карбыз сата башладылар

2015 елның 19 июне, җомга

Әле җәй башланып кына килә, ә сәүдәгә инде җылы яклардан татлы карбызлар кайтып та өлгергән. Әмма республика Роспотребнадзор белгечләре иртә өлгергән карбызга кызыкмаска киңәш итә. Бу җимеш өчен гадәти өлгерү срогы – август ае. Җәй башында сатуга чыккан карбызда нитратлар күләме зур була. Ә нитрат тиешле нормадан артса, сәламәтлеккә зыян сала. Иртә өлгергән карбызда нитратлар нормадагыдан дистәләрчә тапкыр артык. Нитратлар күләме чамадан тыш артык булган җиләк-җимеш ашагач косасы килә, тырнак, ирен, бит алмалары зәңгәрләнә, баш авырта. Йөкле хатыннар өчен ул аеруча куркыныч.

БАРЛЫК ЯҢАЛЫКЛАРНЫ УКУ