Әлки муниципаль районы

26 һәм 27 июньдә Әлки район үзәгендә яшьләр өчен зур чаралар планлаштырыла

2015 елның 24 июне, чәршәмбе

26 июнь – Халыкара наркоманиягә каршы көрәш көне уңаеннан балалар иҗат йортында мәктәп укучылары һәм яшьләр өчен чара үткәрелә. Ул сәгать 10 да башлана. Ә 27 июнь – Россиядә яшьләр көне. Районыбызда аны олимпия көне итеп үткәрү күздә тотыла. Сәгать 10 да “Алинә” спорт залында район яшьләре (14-35 яшьлекләр) арасында спортның олимпия төрләре буенча ярышлар старт алачак. Шул ук көнне кичке сәгать 9 да “Колос” кинотеатры каршында район мәдәният бүлеге Яшьләр көненә багышланган һәм наркотикларга каршы юнәлтелгән тематик дискотека үткәрә. Анда “Яшьләр сәламәт яшәү рәвешен сайлый” дигән видеорәт тә күрсәтеләчәк. Бу чараларда актив катнашырга чакырабыз.

БАРЛЫК ЯҢАЛЫКЛАРНЫ УКУ