Әлки муниципаль районы

Урманнарда югары янгын куркынычы саклана

2015 елның 25 июне, пәнҗешәмбе

Озак вакыттан бирле коры һәм эссе һава торышы саклану сәбәпле, урманнарда янгын чыгу куркыныч гаять зур. Белгечләр янгын хәвефен бишенче класслы, ягъни иң югары, дип бәялиләр. Россиянең байтак төбәкләрендә урманнар яну хакында ишетеп торабыз. Шуңа саклык чаралары күрү, янгын хәвефсезлеге кагыйдәләрен үтәү гаять мөһим. Республикада янгыннарга каршы махсус режим дәвам итә, урманнарга керү тыела. Шушы арада урман хуҗалыгы хезмәткәрләре урманда учак яккан бәндәгә тап булганнар. Ул шулай, янәсе, черкиләрдән сакланган. Әлеге бәндә административ җаваплылыкка тартылган, аңа шактый суммада штраф түләргә туры киләчәк.

БАРЛЫК ЯҢАЛЫКЛАРНЫ УКУ