Әлки муниципаль районы

Мөселманнарны җитәкче котлады

2015 елның 18 июле, шимбә

"Хөрмәтле мөселманнар! Олы түземлелеккә, мәрхәмәтлелеккә өндәгән Изге Рамазан ае тәмамланып килә. Елның иң озын көннәрендә уразасын калдырмыйча, күңеленә начар уйлар һәм ниятләр кертмичә, бары игелекле эшләр генә эшләргә омтылып яшәгән мөселманнар өчен иң кадерле ай ул. Сезнең Аллаһка ышанып, үзегезне тулысы белән Аңа гыйбадәт кылуга багышлавыгыз, бер-берегезгә, тирә-ягыгызда яшәүчеләргә карата мәрхәмәтле була белүегез сокландыра. Бу айда кылган догаларыгыз, теләгән теләкләрегез кабул булсын. Исәнлек-саулык, гаиләләрегездә иминлек, эшләрегездә уңышлар телим. Сездәге сабырлык, максатчанлык башкаларга үрнәк булсын",–диелгән әлеге котлауда.

БАРЛЫК ЯҢАЛЫКЛАРНЫ УКУ