Әлки муниципаль районы

Фельдшер килеп йөрергә тиешме?

2015 елның 7 августы, җомга

Укучыбызның редакциягә килеп биргән бу соравына җавапны район үзәк хастаханәсе баш табибы Светлана Одушкина ярдәме белән әзерләдек.Аның әйтүенчә, авыл фельдшеры үз территориясендә яшәүчеләрнең сәламәтлеген даими контрольдә тота. Ә инде авыруларга карата аеруча игътибарлы Апак авылы фельдшеры Зилә Рәхмәтуллина да Кәлимуллина Әлфәбикә апа янында еш була, чөнки аның авыруы чынлап та җитди, медицина ярдәменә мохтаҗ ул. Әлфәбикә апа улы гаиләсе белән яши, килене аны гел кайгыртып-карап тора. Редакциягә шундый сорау кергәч, Светлана Викторовна үзе кызыксынып, хәлнең нинди икәнен белешкән. Әлфәбикә апа үзе дә, килене дә аптырап калганнар, чөнки фельдшерлары һәрчак килеп йөри, тиешле ярдәмне күрсәтә, бик игътибарлы, ягымлы, аңа карата рәхмәттән кала бернинди дәгъвалары юк икән.

БАРЛЫК ЯҢАЛЫКЛАРНЫ УКУ