Районда быел республика программасы нигезендә Карамалы һәм Кошки авылларында модульле ФАПлар салына. Карамалыдагысы инде бүген ачылырга әзер. Кошки ФАПы бинасын да “Строитель и К” төзүчеләре җыеп бетереп киләләр. Ул авылның үзәк урамында клуб белән янәшәдә урын алган. Модульле ФАП экономияле электр мичләре белән җылытылачак.
Быел Алпарда модульле ветеринария пунктын өлгертү дә планга кертелгән.