Базарлы Матак урта мәктәбендә “Аҗаган” хәрби-спорт уены үткәргәннәр

Мәктәптә бу уен ел саен үткәрелә һәм балалар анда бик теләп катнаша. Чөнки “Аҗаган” физик мөмкинлекләрне генә түгел, укучыларның белемнәрен дә сыный бит. Бу уенда 12 конкурс булган, анда катнашучылар мылтыктан аткан, автоматны сүтеп-җыеп карганнар, учак якканнар, беренче медицина ярдәме күрсәткәннәр һ.б. “Аҗаган”  балаларда иптәшлек, бер-береңә ярдәм итү, илебез тарихына хөрмәт кебек сыйфатлар тәрбияли, диләр педагоглар.