Әлки районында ачылган яңа бассейнда бу шимбәдә беренче ярыш үткәрелә

Район үзәгендә август азагында ачылган яңа йөзү бассейнын күрмәүчеләр дә байтактыр әле. Бу атнаның шимбәсендә узасы ярышны тамаша кылырга килеп, яңа бассейн белән якыннан таныша аласыз. Биредә Казаннан су тубы уены буенча ике команда килеп, район җанатарлары алдында үз көчләрен сынаячак. Командаларның әлеге дусларча очрашуын безнең өчен су полосы буенча Татарстанның баш тренеры Ирек Зиннуров оештыра. Ул бассейнга нигез салу һәм объектны файдалануга тапшыру тантаналарында да катнашкан иде.

Су тубы ярышлары көндезге сәгать 2 дә башлана. Керү түләүсез.