Әлки районының яшь каратэчылары Ульяновск өлкәсе һәм Түбән Кама шәһәре беренчелеге ярышларында призлы урыннар яуладылар

Безнең үсмерләр көндәшләреннән өстен булуларын беренче очрашуларда ук күрсәттеләр. Нәтиҗәдә Алмаз Шәйхетдинов һәм Булат Борһанов – беренче, Данил Шәйхетдинов икенче урыннарны яуладылар. Ә Данил  Гыйматдинов иң кыска чыгыш ясаучы буларак (әлеге алыш өч секунд дәвам итә) махсус бүләккә ия була.

Ульяновск өлкәсе беренчелегендә дә безнең кекусинкай-каратэ осталары үзләрен таныттылар. Андрей Зиньков кул астында шөгыльләнүче Алмаз Шәйхетдинов үз үлчәмендә чемпион булды. Моннан тыш, яшь спортчыларыбызның дүртесе – икенче, ә өчесе өченче призлы урыннарны яуладылар.