Әлки районы мәдәният йортында бүген танышу кичәсе үткәрелә

Районыбызда гаилә кормаган ялгыз яшьләр шактый. Аларны үзара таныштыру максатында мәдәният хезмәткәрләре әнә шундый чара үткәрергә уйлыйлар. Кичәгә районның барлык авыл җирлекләреннән буйдак егетләр һәм кызлар киләчәк. Алар белән җыр-бию, төрле уеннар оештырып, яшьләрне аралашуга, танышуга җәлеп итәргә ниятлиләр. Кем белә, бәлки шунда парлар хасил булып, яңа гаиләләр корылыр. Бирсен Ходай, дөрестән дә, бу тормышта мәхәббәтсез яшәү бик авыр.