Әлки районының Яңа елга әзерлеген республика комиссиясе бәяли

Район үзәгендә дә, авылларда да Яңа ел бәйрәменә зур әзерлек белән кердек. Базарлы Матак үзәк паркында Кыш бабай һәм Кар кызы, төрле җәнлек-җанварлар сыннары ясалды. Шундый ук матур сыннар  байтак учреждение һәм предприятиеләр каршында да барлыкка килде.

Республика комиссиясе, конкурста катнашучы барлык муниципаль берәмлекләрдә булып чыккач, 1 февральдән дә калмыйча нәтиҗәләр чыгарачак. Быел бәйге биш номинациядә уза.

Район үзәге паркларында Яңа ел каникулы көннәрендә күп төрле чаралар узды. Кышкы күңел ачу программасы язга кадәр дәвам итәчәк әле.