Әлки районы авылларында Майчабу бәйрәмен зурлап билгеләп үттеләр

Борискино, Түбән һәм Югары Кәчи, Түбән Колчурино, Иске Матак, Хурада, Хузангай, Иске Тахтала авылларында әлеге бәйрәмне зур әзерлек белән, бик күп кеше катнашында үткәрделәр. Бәйрәмне мәдәният хезмәткәрләре оештырды.  Анда җыр-биюләр дә, күңелле уеннар һәм бәйгеләр дә булды. Билгеле, һәркайсында халык бәйрәмнең төп символы булган кайнар коймак белән сыйланды. Ә азактан ялкаулык, хөсетлек, саранлык кебек начар сыйфатлар билгесе булган карачкылар яндырылды.