Каргалы авыл җирлегенең отчет концерты

2020 елның 25 феврале, сишәмбе

 Каргалы авыл җирлегенең отчет концерты, ТАССРның 100 еллыгына, Бөек Ватан сугышында Җиңүнең 75 еллыгына, Әлки районының 90 еллыгына багышланган «Халык иҗаты чишмәләре» район смотр-конкурсы кысаларында узды. Фойеда әлеге күренекле даталарга багышланган күргәзмә оештырылды. Концертта үзешчән сәнгатьнең иң яхшы номерлары тәкъдим ителде. Артистлар җырлар һәм биюләр, әдәби-музыкаль композицияләр һәм театральләштерелгән тамашалар аша залдагы тамашачылар белән аралаштылар. Һәр номер якты һәм истә калырлык булды. Бу кичтә залда утыручы һәркемгә җылы һәм яхшы кәеф бүләк иткән артистларга тамашачылар  алкышлары белән рәхмәтен белдерде.