2020 елның җәе кайчан җитәр һәм ул нинди булыр
Һава торышы янә россиялеләрнең чыдамлыгын сыный. Температура уйнавы, атмосфера басымы сикерешләре, көчле яңгырлар һәм давыллар – синоптиклар алдагы җәйне менә шулай сурәтли.
Җәй май аенда башланачак
Климатик җәй Россиягә календарьдан бераз иртәрәк – май аенда киләчәк. Язның соңгы ае илнең күпчелек төбәкләрендә яшәүчеләрне җылы (ә көньякта хәтта эссе) һава торышы белән сөендерәчәк. Әмма барысы да июньнең беренче көннәрендә үзгәрергә мөмкин: яңгыр башлана, җил исәчәк. Илнең диңгез курортларында шулай ук уңайлы булмаячак. Июньнең беренче яртысында көндезге температура + 16-18 градустан артмаячак. Көчле яңгырлар, давыл булырга мөмкин. Су коену сезонын ачуны да кичектерелергә туры киләчәк.
Метеорологлар ышандырганча, июньнең икенче яртысыннан вәзгыять үзгәрергә мөмкин. Илнең бөтен территориясендә явым-төшем азрак булачак, сизелерлек җылытачак. Мәскәүдә һәм Санкт-Петербургта термометр баганалары + 20 градуска кадәр күтәреләчәк, көньяк өлкәләрдә уңайлы һава торышы урнашачак.
"Сюрпризларны" ай ахырына якынрак көтәргә кирәк. Яңгырлар, көчле җил һәм температураларның кискен үзгәрешләре Россиянең бөтен территориясендә күзәтелергә мөмкин.
Июль аенда пикка җитәчәк
Июль аенда җәй чын-чынлап үз хокукларына керәчәк. Җылы һәм коры булачак. Илнең көньягында көндезге температура + 30 градуска җитәчәк. Себер һәм Ерак Көнчыгышта яшәүчеләрне + 20 сөендерәчәк.
Эсселек безнең ил башкаласына, Үзәк федераль округ регионнарына, төньяк-көнбатышка киләчәк. Июль уртасына көндезге күрсәткечләр + 31 градуска җитәргә мөмкин. Бу чорда яңгырлар туктатылачак. Ә менә ай ахырына биредә көчле яңгырлар һәм давыллар көтелә.
Ул август урталарында тәмамланачак