Әлки районының “Хузангай” ширкәтендә чәчүгә керештеләр

2020 елның 10 апреле, җомга

9 апрель көнне “Хузангай” ширкәте механизаторлары сабан культуралары чәчүгә керештеләр.

Вячеслав Илюхин һәм Александр Крылов К-744 тракторларында тагылма чәчү комплекслары белән арпа чәчә башладылар. Хуҗалыкның баш агрономы Юрий Льдинов әйтүенчә, быел хуҗалыкта 6 мең гектарда арпа чәчәргә уйлыйлар. Тагын 2500 гектар борчак чәчү планлаштырыла.

Район хуҗалыкларында дым каплату, ашламалар кертү эшләре дәвам итә.