Әлки районында җитештерелгән ярмаларны бик теләп сатып алалар.

Кичә район башлыгы Александр Никошин “Хузангай” җәмгыятендә булды. Биредә ул ярмалар ярдыру, эшкәртү цехларын, аларны капларга тутыру эшләренең барышын карады.

“Хузангай”да бу көннәрдә тәүлек саен дүртәр тонна карабодай, борчак, тары ярмалары җитештерелеп сәүдә нокталарына озатыла. Аларны халык яратып сатып ала. Әлки җирендә үстерелгән әлеге тәмле, сыйфатлы ярмаларны район үзәгендәге кибетләрдә дә алырга була.