Әлки районы: Түбән Биктимер авылы тәртипкә китерелде

Өмәләрне оештыруда авыл имамы Ришат хәзрәт Шәяхмәтов башлап йөргән. Клуб, кибет, ФАП хезмәткәрләренә кушылып авыл халкы да чисталык урнаштыруда эшләгән.

Базарлы Матак авыл җирлеге башкарма комитеты хезмәткәрләре өмәнең коронавирус чиреннән саклану чараларын үтәп оештырылуын контрольгә алган. Халык тиешле дистанция саклап, урамның төрле өлешләрендә эшләгән.

Нәтиҗәдә  авыл урамнары чистарып, ямьләнеп калган. Халык әле май бәйрәмнәренә кадәр авылдагы баганаларны да  агартып чыгарга планлаштырып куйган.