“Безнең ишегалды" программасына кертелгән проектлар буенча Онлайн-фикер алышу.

Тәкъдимнәр һәм фикерләрне 1 майга кадәр https://dvor.tatar/docs/  сайтында калдырырга мөмкин. Республикада 2020 елга «Безнең ишегалды» Президент программасына кертелгән ишегалларын төзекләндерү проектлары буенча фикер алышу дәвам итә.

10 апрельдә республика муниципаль районнарыннан программага кертелгән барлык 341 проект https://dvor.tatar/docs/  сайтында басылып чыкты. Бүген бу сайтта тагын 215 ишегалды схемалары һәм планнары барлыкка килде.

Планнар-схемалар югарыда күрсәтелгән сайтта урнаштырылган, димәк, алар белән күпфатирлы йортларда яшәүчеләр таныша, проектлаучылар эше буенча үз фикерләрен белдерә ала.

1 майга кадәр ишегалларының план-схемалары буенча тәкъдимнәрне сайтта калдырырга яки «Наш двор» программасының «кайнар линиясенә» 8(800)27-520 телефоны буенча шалтыратырга мөмкин.

Базарлы Матакның күп фатирлы йортларында яшәүчеләр ишегалларын үзгәртеп кору проектлары буенча фикер алышуда актив катнашсыннар иде. Чөнки эшнең нәтиҗәсе күбесенчә сездән тора.