Татарстанда гаиләләргә ярдәм итүнең яңа чаралары кертелде
Татарстанда гаиләләргә ярдәм итүнең яңа чаралары кертелде. Барлык төр төркемнәр өчен балалар бакчаларында ата-аналар түләвен исәпләү моделен үзгәртү турында Карар кабул ителде.
Хәзер ул йөрешне исәпкә алып исәпләнәчәк. Бер төркем өчен исәп-хисап үрнәген без элек бастырган идек.
Шулай ук билгеләп үтәргә кирәк:
тулы суммада акча түләүчеләргә яңадан исәп-хисап ясалачак;
барлык төр төркемнәр өчен ата-аналар түләве күләмен исәпләү модельләре балалар бакчалары администрацияләре тарафыннан барлык әни - әтиләргә җиткереләчәк;
ярдәм чарасы сроксыз нигездә кертелгән – бу максатларга ТР консолидацияләнгән бюджетыннан ел саен якынча 2 млрд. сум бүлеп биреләчәк;
хәзерге вакытта Татарстанның мәктәпкәчә учреждениеләренә 220 меңнән артык бала йөри.
Әлки муниципаль районының балалар бакчаларында 742 бала теркәлгән. Сорауларыгыз калса, бүгенге көннән ТР Мәгариф һәм фән министрлыгында +7(843) 294 95 08 «Кайнар линия» телефоны эшли. Әлки районы мәгариф идарәсендә шулай ук әлеге мәсьәләгә карата (884346)20029 телефоны буенча «Кайнар линия» оештырылды.