Әлки районында йөзү бассейны эшли башлады

Коронавирус чире таралудан сакланып, “Ләйсән” йөзү бассейнын берничә ай ябып торган иделәр. Инде менә бассейн акрынлап йөзәргә яратучыларны кабул итә башлаячак. Әлегә биредә берьюлы ике тренер һәм ике яшь спортчы гына шөгыльләнә ала. Бу ватерполчы малай һәм кызларының спорт күнекмәләрен ныгыту өчен эшләнә. Бассейн җитәкчесе Айтуган Вафин әйтүенчә, биредә инфекция таралуга каршы барлык саклану чаралары кулланыла. Суның сыйфаты әйбәт. Тора-бара коенырга теләүчеләрне дә чикле санда кабул итә башлаячаклар.