Әлки районында эзләнү эшенә өйрәтәләр
Борискинодан Светлана Родионова укучыларны интернет аша фронтовикларны ничек табарга икәнлеген өйрәтә. Базарлы Матак мәктәбенең ОБЖ укытучысы, «Оркестр» патриотик отряды җитәкчесе Сергей Платонов Борискино мәктәбенең информатика укытучысы Светлана Родионова катнашында өлкән сыйныф укучылары өчен семинар үткәрде. Балалар белән очрашуның төп максаты - Ветераннар турындагы аз мәгълүмат белән Бөек Ватан сугышында хәбәрсез югалган фронтовикларны эзләргә өйрәтү. Балалар бу эшкә бик теләп тотындылар.
– Күпләр туганнарын куандырып бабаларын “таптылар”, - дип уртаклаша уку нәтиҗәләре белән Сергей Платонов. Кызганычка каршы, быел Ленинград өлкәсенә эзләүләргә юнәлергә ниятләгән эзләүче-энтузиастлар командасын коронавирус таралу куркынычы аркасында киредән таратырга туры килде. Әмма өенә кайта алмаган, Бөек Ватан сугышы вакытында мәңгелеккә ятып калган кешеләрнең хәтерен мәңгеләштерү эше дәвам итә.