Татарстан Сабантуй-2020не ничек билгеләп үтә

Татарстан Республикасында Сабантуй халык бәйрәме COVID-19 коронавирусы аркасында онлайн форматта уза. Бәйрәм уңаеннан чаралар 2 июльдә башланды. Кичә татар халык бәйрәменә ярдәм йөзеннән акция старт алды. Әлеге акциягә кушылырга теләүчеләргә #Сабантуй2020 хештегы белән фотолар урнаштырырга кирәк. Шулай ук татар милли киемендә фотоконкурс уза: заманча милли образда #милликием хештегы төшерелгән фотографияне бастырып чыгарырга һәм үз киемең турында хикәя язарга кирәк. Бүген, 3 июль-татар мәдәниятенә өйрәтүче мастер-класслар көне. Бу көнне челлендж #БиеСабантуй узачак.  Татарстанлылар өчен шулай ук татар уен мәдәнияте буенча өйрәтү видеороликлары да әзерләнгән иде. Күн мозаикасы буенча мастер-класс планлаштырылган, анда милли орнаментны сумкага ничек тегү һәм «Изю»күкрәк бизәге ясау буенча дәрес күрсәтәчәкләр. Татар җырчылары белән иҗади очрашу һәм тамбур тегүе белән сөлге чигү буенча мастер-класс узачак. 4 июльдә 8.00 дән 20.00 гә кадәр "Сабантуй онлайн" телемарафоны узачак. Сабантуйга багышланган чаралар көн дәвамында ТНВ телеканалында трансляцияләнәчәк.