Әлки районы башлыгы Александр Никошин әлкилеләрне Гаилә, мәхәббәт һәм тугрылык көне белән котлады
Хөрмәтле райондашлар һәм Әлки районы халкы!
Гаилә, мәхәббәт, тугрылык, туганнар һәм якыннар турында кайгырту – һәрберебез тормышында төп кыйммәтләр. Нәкъ менә алар кеше тормышын чын-чынлап бәхетле, эчтәлекле итә, авырлыкларны һәм сынауларны җиңәргә булыша. Гасырлар дәвамында гаилә җәмгыятьнең нигезе, мәхәббәт, тугрылык, иртәгәсе көнгә ышаныч чыганагы булды һәм шулай булып кала да. Безнең районда нык, тату гаиләләр күп. Озак еллар үзара мөнәсәбәтләрнең эчкерсезлеген саклаган, яхшы гаилә традицияләрен кадерләп саклаган, акыллы, талантлы, тәрбияле балалар тәрбияләгән гаилә парларына чын күңелдән рәхмәт белдерәм. Яшь гаиләләр алардан үрнәк алсыннар. Кадерле дуслар! Өйләрегездә һәрвакыт тынычлык, бер-береңә хөрмәт һәм аңлау, мәхәббәт хөкем сөрсен, балаларның шатлыклы тавышлары яңгырасын дип телим. Барыгызга да нык сәламәтлек, гаилә җылысы һәм бәхет телим.