Әлки районында кипкән үлән һәм чүп яндыру аркасында янгын чыга язган
Иске Баллыкүл авылында чүп-чар һәм кипкән үлән яндыру аркасында чак кына ут чыкмый калган. Янгын күзәтчелеге буенча баш (главный) дәүләт инспекторы Радис Инсапов әйтүенчә, районда тиешле таләпләрне үтәмичә кипкән үлән һәм чүп-чар яндыру очраклары булып тора. Янгын сүндерүчеләр быел алты тапкыр шундый фактлар буенча авылларга чыгып ут белән көрәшкәннәр. Берсендә утның торак йортларга күчү куркынычы да булган. Радис Инсапов чүп-чарны закон бозмыйча, дөрес итеп яндыру зарурлыгын искәртә. Аның аңлатуынча:
- ачык утны ким дигәндә 30 сантиметр тирәнлектәге һәм бер метрдан да зур булмаган диаметрлы базда гына тергезергә ярый.
- Учак барлык корылмалардан – 50 метр, ылыслы урманнан – 100 метр, яфраклы урманнан 30 метр ераклыкта булырга тиеш.
- Әйләнә-тирәдәге мәйданны корыган ботаклардан, кипкән үләннән, тиз янып китүчән бүтән материаллардан 10 м ераклыкта чистарту зарур.
- Янәшәдә ут сүндерү өчен кораллар һәм материаллар булсын.
- Утны ахыргача күзәтеп торырга, ахырда су салып сүндерергә яисә ком белән күмәргә кирәк.
Калдыкларны янмый торган материаллардан (мичкә, мич һ. б.) ябык савытны яндыру өчен куллансагыз, таләпләр үзгәрә:
чүп-чарны яндыру өчен сыешлык барлык корылмалардан – 25 м, ылыслы урманнан – 50 м, яфраклыдан-15 м;
сыешлык булган мәйданчык коры ботаклардан, киселгән калдыклардан, коры үләннән һәм башка ягулык материалларыннан 5 м чистартылырга тиеш;
янгынга каршы полосаны оештырырга кирәкми; сыешлык янында аның өстән ябарга һәм һаваның утка керүен чикләргә сәләтле металл бит булырга тиеш;
януны контрольдә тотучы кеше яну беткәнче мәйданда булырга тиеш.
Чүп-чар яндыру өчен чокыр
Әгәр мичкәгез яки мичегез юк икән, ә чүп-чарны яндырырга кирәк, рекомендацияләр буенча махсус чокыр әзерләгез:
- Агач корылмалардан һәм агачлыктан 50 м. читкәрәк китегез.
- Диаметры 1м һәм тирәнлеге 30 см дан да ким булмаган чокыр казыгыз.
- Әйләнә тирәсендәге мәйданны корыган ботаклардан, кипкән үләннән, тиз янып китүчән бүтән материаллардан 10 м ераклыкта чистартыгыз.
- Чистартылган участокның кырыеннан 40 см киңлектәге янгынга каршы полоса әзерләгез (үләнен салыгыз яки аны ком белән күмегез).
- Утны сүндерү өчен инструментлар һәм су әзерләгез һәм шуннан соң чокырда чүп-чар яндыра башлагыз.