"Грузин" сырын Түбән Кәчи авылында яшәүчеләр шәһәр халкына тәкъдим итә

Николай һәм Елена Туймишиннар Түбән Кәчи авылында яшиләр һәм эшлиләр. Алар өч ул тәрбияләп үстергәннәр, алар хәзер һөнәри белем алалар. Балаларга-студентларга финанс ярдәме күрсәтү өчен, оста хуҗалар яңа эш-сыр ясау эшен үзләштерергә карар кылган.

Туймишиннар һәрвакыт күп терлек асрыйлар. Бүген иркен абзарда дүрт сыер, ике тана һәм өч кечкенә бозау бар. "Таналар яхшы, авылдашларга  сыер итеп сатарга яки үзебезгә  калдырырга уйлыйбыз. Мондый терлекне суярга ярамый, сыер-акча чыганагы бит", - дип саный Николай. Күптән түгел шәһәр халкына да үз авыл хуҗалыгы продукциясен тәкъдим итә башлаучы кайгыртучан хуҗа белән килешми мөмкин түгел.

-Казан ярминкәләрендә сату өчен литр ярым шешәдә сөт җибәрүдән башладык. Үзебез барып та йөрмибез. 15 шешәне сатып, акчасы белән бергә рәхмәт сүзләрен дә алып кайтып тапшыралар,- ди танылган хуҗабикә Елена.

Ә грузин сырының серен Юрий Немсверидзе остадан  өйрәнеп, өлгер түбәнкәчилеләр казанлыларга хезмәтләренең җимешләрен тәкъдим итә башлады.

Хуш исле сырның төргәге уртача 1,2 килограмм чыга икән. Еш кына базарда аларны тулысынча алалар, хәтта кисәргә дә өлгерми каласың.

"Туймишиннарның сыры бик тәмле, тәме буенча брынзаны хәтерләтә. Иң мөһиме,анарда ясалма өстәмәләр һәм ароматизаторлар юк, бары тик табигый ферментлар гына кулланыла. Һәр ярминкәгә аларның сырын Казанга алып барабыз. Инде даими сатып алучыларыбыз да бар", - дип сөйләде җирлек башкарма комитеты секретаре Зоя Самаркина.