Безнең районга эш визиты белән Россия Федерациясе Мөселман эшмәкәрләре Ассоциациясе делегациясе килде
13 апрельдә изге Рамазан аеның беренче көнендә РФ АПКның Private Club эшмәкәрләре Татарстан Республикасының Көньяк районнарының берсенә эшлекле сәфәр кылдылар.
Әлки районына эшлекле визит белән Россия Федерациясе АПК Президенты Айдар Шаһимәрданов, ассоциациянең башкарма директоры Раил Валькаев, үсеш буенча директор Марсель Сабиров, Ассоциациянең Вице-Президенты Рөстәм Вәлиев һәм Private Club резиденты Рәсүл Биктимеров килделәр.
Рәсми өлеш Татарстан Республикасы Әлки районы администрациясеннән башланды.
Район Башлыгы Никошин Александр Федорович районның инвестицион җәлеп итүчәнлеге турында сөйләде һәм Ассоциация вәкиллеген ачу белән кызыксынды.
Аннары сәламләү сүзе белән РФ АПК Президенты Айдар Равил улы Шаһимәрданов чыгыш ясады. Ул безнең ассоциация проектларын тәкъдир итте.
Программада шулай ук Әлки районы мөселман бизнесменнары предприятиеләре белән танышу да каралган иде.
РФ АПК делегациясе берничә компания буенча барды һәм аларның бизнесларын алып бару үзенчәлекләре белән җентекләп танышты.
Өйлә намазыннан соң бизнесменнар берничә торак пунктка “авылга ярдәм " проекты белән юл тоттылар. Бүген, гадәттәгечә, азык-төлек җыелмалары: казылык әйберләре, сырлар, ярмалар, кондитер әйберләре, балык, яшелчә, җиләк-җимеш һәм тәм-томнар сатып алынды һәм таратылды.